اسلام آباد۔ 22 نومبر (اے پی پی) وزیراعظم نا سلاہکار واپار عبدالرزاق داؤد دوشنبے نادے آ نائیجیریا نا دورہ غا روانہ مس۔ وزارت واپار آن جاری بیان نا رداٹ دورہ ٹی سلاہکار واپار نائیجیریا ٹی ارٹ میکو پاک افریقہ کانفرنس و سنگل کنٹری نمائش اٹ بشخ ہلیک ۔ کانفرنس و نمائش اٹی پاکستان آن 115 کاروباری ڈل بشخ ہلیرہ۔ داوخت آ ٹیکسٹائل ، فارماسیوٹیکل، انجینئرنگ ، خور و سوزی تا کمپنیک بشخ ہلیرہ وخت اس کہ آئی ٹی آن تعلق تخوک آ پاکستانی کمپنیک تینا مصنوعات آتے نمائش اٹ پیش کیرہ۔ کانفرنس ونمائش نا بست وبند ءِ وزارت واپار نا کنڈآن لک افریقہ پالیسی نا رداٹ کننگانے۔
