اسلام آباد۔ 22 نومبر (اے پی پی) بنجائی وزیر حوالکاری و شینکاری چوہدری فواد حسین پارینے کہ حکومت درشانی سلاہ نا آجوئی آ پورو یخین تخک، جرنلسٹس پروٹیکشن بل انا منظوری آن میڈیا ورکرز و صحافی تا حق ءِ رکھ رسینگانے۔ داہیت ءِ او سینئر صحافی پرویز شوکت و فاروق فیصل خان تون گپ وتران کرسا پارے ہرافک دوشنبے نادے آبنجائی وزیر حوالکاری تون جتا جتا اوڑدہی کریر۔ چوہدری فواد حسین پارے کہ میڈیا ورکرز و صحافی تا حق انا رکھ اکن گام گیج کننگ انگ ءِ ، دا رداٹ پارلیمان آن جرنلسٹس پروٹیکشن بل انا منظوری پاکستان تحریک انصاف نا حکومت نا عملی گام اسے۔ اوپارے کہ میڈیا ورکرآتے تنخواہ و زرتفننگ نا ویل مون تروک ئس ، جرنلسٹس پروٹیکشن بل انا منظوری آن میڈیا ورکرز و صحافی تے رکھ رسینگانے۔ داوخت آ پی ایف یو جے نا صدر پرویز شوکت جرنلسٹس پروٹیکشن بل انا منظوری آ بنجائی وزیر حوالکاری چوہدری فواد حسین تون اوار غٹ حکومتی باسک آتا کوشست آتا ستاءِ کرے و ہندا بل انا منظوری نا برخلاف اپوزیشن نا رویہ نا مذمت ءِ کرے۔ سینئر صحافی فاروق فیصل خان تون اوڑدہی ٹی میڈیا ٹاؤن نا ودکی ڈٹ انا بابت ہم گپ وتران مس۔
