اسلام آباد۔ 22 نومبر (اے پی پی) سی پیک نا رداٹ کروٹ ہائیڈرو پاور اسٹیشن آ 95 درسد تعمیراتی کاریم پورو مسنے، کروٹ ہائیڈرو پاور پروجیکٹ آن 720 میگاواٹ بجلی دوئی کننگک، دا ڈٹ انا پوروی آن پنجا لکھ انا آبادی ءِ کلین اینڈ گرین انرجی نا فراوانی پک مریک۔ سی پیک اتھارٹی کمامدارآتارداٹ 6 سال انا تعمیراتی سفر آن پد دا ڈٹ آخرکار ڈائیورشن گیٹس ءِ بند کننگ اٹ سرسہب مس و او دیر کوڑی کننگ نا بناءِ کرینے۔ پاور پلانٹ پنجاب اٹ دریائے جہلم آ واقع ءِ۔ 720 میگاواٹ نا کچ اتون دا ہرسال مسہ ارب کلو واٹ آور آن زیات ساف توانائی ودی کننگ کیک۔ چائنا تھری گارجز کارپوریشن پنی ءُ اسہ چینی انٹراپرائز اس دا ڈٹ اٹ 1.7 ارب ڈالر نا زرکاری کرینے۔ کمامدارآتا رداٹ دا ڈٹ اپریل 2022اٹی پورو مریک، دا ڈٹ دریائے جہلم (پنجاب/آزاد کشمیر )نا ہند آ واقع ءِ، ساڑی آ ہندی براہ راست ملازم آتا کچ 5000ءِ۔
