اسلام آباد۔ 22 نومبر (اے پی پی) جہانی مالیاتی فنڈ(آئی ایم ایف) پارینے کہ رسینگ نا قابل جان جوڑی نا نظام و راجی رکھ انا پروگرام آن مخلوق نا زند انا آب و کٹیائی وسیلہ ءِ گچین کننگ مریک۔ آئی ایم ایف تینا اسہ رپورٹ اسے ٹی پارے کہ راجی رکھ انا چندی پروگرام تیا پبلک سیکٹر نا زرکاری آن گچین ءُ بھرم اس دوئی مننگ کیک ہراڑآن الس نا زند انا آب اٹ گچینی اتون اوار اوار اوفتے رکھ فراوان کننگ مریک۔ آئی ایم ایف جہانی برادری آ زور شاغا کہ تعلیم، جان جوڑی و راجی رکھ انا پروگرام تیٹی زرکاری ءِ مون آ دے انتئے کہ راجی رکھ آن نیزگار و بے بریبری نا ویل آتا چٹفنگ تون اوار اوار تعلیم نا کچ ءِ مون آ دننگ و مرک آتا کچ اٹ کمتی اتنگ مریک۔ ہنداخاطرآن کم کٹیا والا و پدتموک ملک آک جان جوڑی، تعلیم و راجی رکھ انا چندی پروگرام تیا سرکاری بشخ انا زرکاری ٹی ودکی نا بابت جامع حکمت عملی نا رداٹ گام گیج آتا گرج ءِ۔
