اسلام آباد – 21 نومبر (اے پی پی) مزن وزیر عمران خان ءَ گوشت کہ پاکستانی ءِ ڈیجیٹل کیڈیسٹرل نقشہ سازی ءِ اولی بھر ءَ 5595 ارب کلدار ءِ مالیت ءِ سرکاری زمین آنی دزگیر ی بوتگ، استیں ڈیجیٹل ریکاٹ ءِ رد ءَ نوں ما لینڈ مافیاز ءُ آئی ءِ کمکار آنی ھلاپ ءَ کاروائی کناں۔ مزن وزیر ءَ یک شمبے ءَ وتی ٹویٹس ءَ گوشت کہ الیکٹرانک ووٹنگ مشین آنی سر ءَ جاک کنگ ءِ وڑ ءَ ما ڈیجیٹل لینڈ ریکاٹ ءِ واستہ پاکستان ءِ کیڈیسٹرل میپنگ ءِ بنگیج کت گڈا مارا بوت کنگ باز ھلاپ ءَ گوں دیم پہ دیمی کنگ بہ کپ ایت۔ سرکاری زمین آنی سروے ءِ اولی فیز ءِ آسر دیم ءَ اتکگ انت کہ ایشانی سر ءَ سیر لاپیں مردم آں وتی کتگ انت۔ مزن وزیر ءَ گوشتگ کہ زمین آنی سروے ءَ چہ پیسر فیز ءِ تہ ءَ راستی کہ مئے دیم ءَ اتکگ انت۔ آئی رد ءَ سئے مزنیں شہر آنی زمین آں ھوار لینڈ مافیا ءِ کبس ءَ سرکاری زمین کہ آھانی مُچ مالیت کمو گیش 5595 ارب کلدار انت، ھمے وڑ ءَ جنگلات ءِ کبزہ کتگیں رقبہ ءِ نیاد کمو گیش 1869 ارب کلدار انت۔ مزن وزیر ءَ گوشتگ کہ جنگلات ءِ زمین آنی سر ءَ لینڈ مافیا ءِ اے کبزہ ءَ چہ پاکستان ءَ را جنگلات ءِ حجم ءِ ھوالگ ءَ چہ استیں کمیگ ءِ تہ ءَ گیش گیشی اتکگ۔ مزن وزیر ءَ گوشت راستیں ڈیجیٹل ریکارڈ ءِ کمک ءَ چہ ما نوں ھما لینڈ مافیا ءُ آوانی کمکار آنی ھلاپ ءَ کاروائی کناں۔
