اسلام آباد۔21نومبر (اے پی پی): مزن وزیر ءِ ھاسیں کمکار برائے موسمی مٹ ءُ بدلی ملک امین اسلم ءَ گوشت کہ گوستگیں 70 سال ءَ چہ سرکاری زمین آنی سر ءَ کبزہ کنگ بوتگ بلے حکومت ھاموش بوتگ انت، مزن وزیر عمران کان کبزہ مافیا ءِ واستہ زمین ءَ تنک کنت۔ سرجمیں ملک ءَ جنگل ءِ ھپت لکھ ایکڑ زمین آنی سر ءَ کبزہ، پنجاپ ءُ کے پی کے ءَ 500 ارب ءِ سرکاری زمین ءِ سر ءَ کبزہ کنگ بوت۔ سرکاری زمین آنی میپنگ کنگ بوتگ ءُ زوت ایشاناں پچ گرگ بیت ٹین بلین ٹری منصوبگ ءِ چیر دستی ءَ درچک جنگ بوتگ۔ کبزہ مافیا ءَ را کانود ءِ گولائی ءِ تہ ءَ آرگ بیت ءُ سرکاری زمین ھمک رنگ ءَ پچ کنگ بنت۔ یک شمبے ءِ روچ ءَ پی آئی ڈی اسلام آباد ءَ پریس کانفرنس ءَ کنان ءَ ملک امین اسلم ءَ گوشت کہ ھما مردم کانود ءَ چہ برز تر وتا پھم انت ایشانی واستہ ریڈوارننگ انت ایشی ءَ چہ پد یک شلی ءَ آپریشن بندات کنگ بیت۔ آئی ءَ گوشت کہ سٹیٹ لینڈ ءِ پچاس ہزار مربع کلومیٹر میپنگ کنگ بوتگ ایشی ءَ چہ پد پنجاپ، خیبرپختونخوا ءُ بلوچستان ھوار انت وھدیکہ لینڈمیپنگ انوں سرجم نہ بوتگ۔ آئی ءَ گوشت کہ توامیں کبزہ مافیا ءَ را مکن کناں کہ سرکاری زمین آں چہ کبزہ ھلاس کتگ چیاکہ نوں اچ کبزہ مافیا ءَ را یلو کنگ نہ بیت۔
