اسلام آباد۔ 20 نومبر (اے پی پی) وزیراعظم عمران خان پارینے کہ نن اولیتی بنداو تیا پاکستان اٹ چینی واپار نا سپورٹ ءِ کینہ و خصوصی اقتصادی زون تیٹی زرکاری ٹی ودکی کن چین انا است خواہی نا منت وار اُن، او داخیال آتا درشانی ءِ داڑے چینی پوریاگرآتا اسہ ڈل اسے تون اوڑدہی کرسا کرے ہرانا کماشی ءِ چینی کمپنی چیلنج فیشن پرائیویٹ لمیٹڈ نا نمائندہ مادام چن یان کریکہ، وزیراعظم پارے کہ پاکستان و چین نئے بیرہ مستین یا ساڑی ٹی اسہ ایلو تون تفوک مسنو بلکن دا ننا آخبت نا چین تا کمک اٹ ہم یکجا مریرہ۔ اوپارے کہ نن ہڑتوم آ ملک آتا الس نا تعلقداری تا ستاءِ کینہ، وزیراعظم تعلقدار کمامدارآتے پارت کرے کہ پاکستان اٹ صنعت خلوک آ غٹ چینی زرکار آتے آسراتی فراوان کننگ کن ہلہلہ ئی بنداوتیا سڑک آتا رابطہ و یوٹیلیٹیز کون آباندات ءِ ایسر کننگے۔ داکان مست وزیراعظم ءِ پاننگایکہ چینی پوریاگر گلاس، سرامکس و انفارمیشن ٹیکنالوجی نا بشخ آتے ٹی کاریم نا بناءِ کننگ نا دنیا نا پنی آ ٹیک مینو فیکچررز OPPOلیے کم و ود تیار ءِ۔ داہیت ذکر انا قابل ءِ کہ پنی آ موبائل فون کمپنی تیان اسٹ ءِ، پاکستان اٹی ہم اسہ ہندی موبائل مینو فیکچرنگ یونٹ واسہ ریسرچ اینڈ ڈویلپمنٹ سینٹراس جوڑ کننگ والا ءِ۔ ہراڑآن نئے بیرہ سمارٹ موبائل فون تا سالانہ درآمد آ زرمبادلہ نا کوڑی تا زیات بچت مریک بلکن ننا ٹیک گریجویٹس آتے کن روزگار نا وارخواہی ہم ودی مریک۔ داوخت آ بنجائی وزیر توانائی محمد حماد اظہر ، سلاہکار واپار عبدالرزاق داؤد، ترجمان خصوصی کمکار سیاسی ابلاغ ڈاکٹر شہباز گل ، خصوصی کمکار سی پیک ایم خالد منصور، چین نا سفیر نونگ رونگ و مس چن یان تون اوار ایلو تعلقدار بڑزکو آفیسر آک ہم ساڑی ئسر۔
