اسلام آباد۔ 20 نومبر (اے پی پی) وزیراعظم عمران خان پارینے کہ السی ویل آتا ایسری نا بابت غلط بیانی کروک آ آفیسر آتا برخلاف دمدستی کارروائی کننگک، سٹیزن پورٹل آ السی غاوتے تینٹ مانیٹر کیوہ، شاری تا غاو تا ایسری آ غلط بیانی کروک آ آفیسر آتون رعایت کننگپک۔ ہفتہ نادے آ پی ایم ڈی یو نا رپورٹ آن پد وزیراعظم صوبہ غاتا چیف سیکرٹریز و آئی جی تے پارت جاری کرسا پارے السی ویل آتا ایسری ٹی ڈیوالئی ءِ اسُل سگنگ پننگک۔ سیٹیزن پورٹل آ السی ویل آتا ایسری ٹی سرکاری آفیسر آتا جعل سازی نا پت پاش و آفیسر آتا برخلاف کارروائی نا رپورٹ ءِ وزیراعظم ءِ پیش کننگا۔ پی ایم ڈی یو 254 سرکاری آفیسر آتا ڈیش بورڈز آ جعل سازی آ رپورٹ اس تیار کرے۔ وزیراعظم عمران خان ءِ پیش کروک آ رپورٹ اٹ پاننگانے کہ السی غاوتیا کارروائی نا بابت غلط بیانی آ سرکاری آفیسر نا برخلاف کارروائی کننگا۔ رپورٹ نا رداٹ پنجاب نا 154، کے پی کے 86،م سندھ انا 3 و بنجا نا 11 آفیسر آتا ڈیش بورڈز انا جاست وپاست کننگا۔ جاست وپاست اٹ پنجاب نا 44 سرکاری کارندہ جعل سازی نا مرتکب خننگار۔ رپورٹ اٹ چیف سیکرٹری کے پی کے 39 سرکاری کارندہ غاتا برخلاف کارروائی کرے وخت اس کہ جعل سازی پک مروک آ سرکاری ملازم آتے معطل کننگا۔ آئی جی پنجاب نا جاست وپاست آن پد 45 سرکاری کارندہ غاتا برخلاف کارروائی کننگا وخت اس کہ آئی جی کے پی کے نا 10 کارندہ و آئی جی سندھ انا 3 سرکاری کارندہ غاتا برخلاف کارروائی مس۔
