ہر چناءِ آب اٹ تعلیم و جان جوڑی نا آسراتی فراوان کننگ کن کاریم کننگ اُن، صدر عارف علوی نا کلہو

اسلام آباد۔ 20 نومبر (اے پی پی) صدر مملکت ڈاکٹر عارف علوی پارینے کہ چناتا جہانی دے ءِ اڈتننگ نا مسخت چنا و اوفتا حق انا رکھ انا عزم انا درشانی ءِ کننگ ءِ، اینو نن تینا چناتیکن اسہ گچین ءُ آخبت اس جوڑ کننگ نا عزم کینہ، حکومت ہر چناءِ نیزگاری و ہروڑنا بیدادی آن رکھ کننگ کن سنبرینگوک ءِ، ہرچناءِ آب اٹ تعلیم و جان جوڑی نا آسراتی فراوان کننگ کن کاریم کننگ ءِ۔ ہفتہ نادے آ ایوان صدر میڈیا ونگ آن جاری مروک پریس ریلیز اسے نا رداٹ چناتا جہانی دے انا وخت آ تینا کلہو اٹی صدر مملکت عارف علوی پارے کہ نن پک کننگ اُن کہ اسہ چناسے تون ہم اونا قومیت، مزہب یا صنف انا بنداو آ پرخ کننگپ۔ اوپارے کہ اینو نن چناتے چاگڑدی بدلی نا اثرآتیان بچفنگ نا ہم عزم ءِ کینہ۔ صدر مملکت پارے کہ پاکستانی چناتا گچین زند اکن میڈیا، راج ، لمہ و باوہ و تینٹ چناتے ہم اواری اٹ تعمیری کڑد ادا کروئی مریک، ببو دین انا مون ءِ تورسا ہر چناکن دین آن پد اسہ گچین ءُ آخبت اسے کن کاریم کین۔