جنگ آک بایدے مفس، جنگ آک بھسکاری نا سوب مریرہ، جنگ آتیان دے ٹک نیامی و اوغانستان بھس مسر، صدر مملکت ڈاکٹر عارف علوی

اسلام آباد۔ 20 نومبر (اے پی پی) صدر مملکت ڈاکٹر عارف علوی جہانی یوم اطفال نا وخت آ پارینے کہ اے پی ایس و فلسطین نا چناتے ہُرسا اوغنگ ہلیک، ارٹ میکو جنگ عظیم آن پد دیکی ملک آتے خیال بس کہ جنگ آک بایدے مفس، جنگ آک بھسکاری نا سوب مریرہ، جنگ آک دے ٹک نیامی و اوغانستان ءِ بھس کرینوم، چناک بھلاتیان 20 درسد زیات خوش مریرہ، او ایماندار مریرہ، چناک زند اٹ خوشی اتیرہ، چناتے تکلیف اٹ خنسا ڈکھ مریک، ریاست چناتا رکھ انا زمواری ءِ ہلے، دنیا ٹی جنگ آتے بند کرسا ننےپرامن رہینگوئی مریک، ننا دین تینا و ایلو چناتتون بریبرسلوک نا درس ایتک۔ صدر مملکت ڈاکٹر عارف علوی داخیال آتا درشانی ءِ ہفتہ نادے آ داڑے پی این سی اے ٹی اڈ ہلوک آ دود آن تران کرسا کرے۔ اوپارے کہ اوغانستان اٹ تو نظر تخنگ انگ ءِ کہ اسکول اٹ حجاب آن بیدس داخلہ ممکن ءِ یا آخا ایلو کنڈآ دیکی ٹی چناتے ڈریس کوڈ آ عملدرآمد نا پاننگک۔ اوپارے کہ نن خواجہ نبی کریم صلی اللہ علیہ و آلہ وسلم نا اسوہ غان سبخ اس بایدے ہلین۔