اسلام آباد۔ 20 نومبر (اے پی پی) ڈپٹی اسپیکر قومی اسمبلی قاسم خان سوری ہفتہ نادے آ لال حویلی ٹی بنجائی وزیر داخلہ شیخ رشید احمد تون اونا بھلا ایلم شیخ رفیق نا کزیت آ ہڑزخواہی کرے و ایماندار نا بخشش کن دعاپاتیا کرے۔ ڈپٹی اسپیکر شیخ رشید تون اونا بھلا ایلم نا کزیت آ است ہسونی نا درشانی ءِ کرسا پدسلوک خاہوت تون ہمدردی نا درشانی ءِ ہم کرے۔ اوپارے کہ ڈکھیائی نا دا ساہت اٹ پدسلوک آ خاہوت نا غم اٹی بریبر نا شریک اُن۔ ڈپٹی اسپیکر پارے کہ ایماندار ناکزیت پدسلوک خاہوت کن عظیم ءُ صدمہ و ناقابل تلافی نسخان اسے ہرادے پورو کننگ مفک، ڈپٹی اسپیکر قاسم خان سوری ایماندار نا درجہ غاتا بڑزی و خاہوت ءِ دا ناقابل تلافی نسخان ءِ سگنگ کن صبر و جمیل تننگ نا دعا ہم کرے۔
