اسلام آباد۔ 20 نومبر (اے پی پی) وزیراعظم ناترجمان و کمکار سیاسی ابلاغ ڈاکٹرشہباز گل پارینے کہ نن ہراتم حکومت ءِ سنبھالان تو بے شمار چیلنج مون تروک ئس، حزب اختلاف ہرباندات اٹ اڑاند شاغنگ نا کوشست کرے ، مچ آ دنیا ٹی گڑاک کبین مننگ اٹی ءُ ، اپوزیشن اوورسیز پاکستانی تے وونٹ انا حق آن محروم تخنگ نا کوشست کرے ولے عمران خان اوورسیز تے وونٹ انا حق تسنے، غٹ اوورسیز پاکستانیک سیاست ءِ جوان پہہ مریرہ،سینیٹ اٹ چار بل پاس مسر ولے اپوزیشن نا 20 باسک ساڑی الورہ، الیکٹرانک ووٹنگ مشین آن دُزی نا گچین کاری کٹوک آتے تکلیف تون مون تروک ءِ، احساس راشن پروگرام نا رداٹ ہرغریب شاری ءِ رعایت تننگک۔ ہفتہ نادے آ منڈی بہاؤالدین اٹی جلسہ غان تران کرسا ڈاکٹر شہباز گل پارینے کہ بھاز خوشی نا ہیت اسے کہ ہراتم اوورسیز اس پیشن کاہک و خواری کرسا ہراپیسہ غاتے کٹک او تینا علاقہ ٹی شونداری کاریم تیا خڑچ کننگ نا سجفک۔ اوپارے کہ اپوزیشن اولیکو دے آن ہر باندات اٹ اڑاند شاغنگ نا کوشست کرینے و دااسٹ انگا حکومت ءِ ہرادے آن بسنے چیلنج آتون مون تننگ ءِ۔ اوپارے کہ حکومت ہراتم بس تو اسحاق ڈار اینڈ کمپنی ملک ءِ لٹسا ملک آن نراسس، خزانہ ٹی ہچ ءُ پیسہ اس الوکہ، عمران خان ءِ مخ ءِ تفسا ملک ءِ زرگزرانی خواتہ مننگ آن کشنگ کن اولیکو شش آن ہشت تُو لگا اوکان پد بھارتی جلہو ہرانا پبی ورندی ءِ تننگا، ملخ، کورونا دین ہراڑآن مچ ا دنیا ءِ زرگزرانی نسخان مسنے۔
