اسلام آباد۔ 19 نومبر (اے پی پی) وزیراعظم عمران خان اینو( جمعہ نادے آ) اسلام آباد اٹی پوسکن آ پاکستان ہاؤسنگ اتھارٹی نا ڈٹ فراش ٹاؤن اپارٹمنٹس نا دورہ ءِ کیک۔ وزیراعظم آفس نا میڈیا ونگ آن جاری بیان نارداٹ 4 ہزار اپارٹمنٹس آ تالان دا ڈٹ سی ڈی اے، این اے پی ایچ ڈی اے و ایف ڈبلیو او نا کمک اٹ تفنگ انگ ءِ۔ وزیراعظم نا الس کن کم خڑچ ہنکین فراوان کننگ نا وژن نا رداٹ ڈٹ آتے ٹی 2000فلیٹ این اے پی ایچ ڈی اے نا رداٹ رجسٹربندغ وخت اس کہ 400 فلیٹ کچہ انگا آبادی نا ہنکینی تیکن جتا کننگانے۔ وزیراعظم ڈٹ انا بنداو ءِ اینخو نا سال اپریل اٹ تخا اوکان پد داڑآ ترندی اٹ کاریم برجاءِ۔ وزیراعظم ءِ ڈٹ آ برجا شونداری کاریم تیا سرجم حوال ہم تننگک۔ وزیراعظم برجا شونداری کاریم تا جاچ ءِ ہلنگ تون اوار اوار دا وخت آ تران ہم کیک۔
