اسلام آباد۔ 19 نومبر (اے پی پی) چیئرمین سینیٹ صادق سنجرانی پارینے کہ ہرا وزارت آتا بابت وقفہ سوج آتے ٹی سوج ارے، اوفتا آفیسر آک بایدے ایوان اٹ تولر۔ جمعہ نادے آ بڑزکو ایوان نا دیوان اٹی وقفہ سوج آتے ٹی چیئرمین سینیٹ سیکرٹریٹ ءِ پارت کرے کہ اینو ہرا وزارت آتا بابت سوج ایجنڈاٹی ساڑی ءِ انت اوفتا آفیسر آک بسنو، دابابت فہرست اس فراوان کننگے۔ وزیر مملکت علی محمد خان پارے کہ گڑاس وزارت آتا آفیسر آک اودے و گڑاس سلاہکار پارلیمانی امور بابراعوان ءِ حوال تسنو و او چیمبر اٹی ساڑی ءِ۔ ہراڑآ چیئرمین پارے کہ آفیسرآک چیمبر اٹ تولنگ نا جاگہ غا ایوان اٹ برسا نوٹس ہلیر و دیوان نا چٹنگ اسکان داڑے تینا ساڑی گری ءِ پک کیر۔
