اسلام آباد۔ 19 نو مبر (اے پی پی) چیئرمین سینیٹ سکھ مذہب نا بانی بابا گرونانک نا ودی دے آ سکھ برادری ءِ مبارکبادی تسنے۔ جمعہ نادے آ بڑزکو ایوان نا دیوان اٹی سینیٹر دنیش کمار اعتراضی ٹک آ پارے کہ اینو بابا گرونانک نا ودی دے ءِ، مچ آ ہندوبرادری سکھ برادری ءِ اونا ودی دے آ مبارکبادی پیش کرے۔ اوپارے کہ پاکستان اٹ اقلیت آتے پورو آجوئی دوئی ءِ، پاکستان نا غٹ سیاسی راہشونک دیوالی آ ہندو برادری ءِ مبارکبادی تسوسر، اوڑآنن وفتا منت واراُن۔ داوخت آ چیئرمین سینیٹ پارے کہ مچ آ بڑزکو ایوان نا کنڈآن بابا گرونانک نا ودی دے آ نن سکھ برادری ءِ مبارکباد پیش کینہ۔
