کوئٹہ۔ 19 نومبر (اے پی پی) پاکستان تحریک انصاف قلعہ عبداللہ نا صدر صدیق خان ترین پارینے کہ پاکستان ءِ زرگزرانی وڑاٹ سوگو و الس ءِ شونہال جوڑ کننگ وزیراعظم عمران خان نا اولیت ءِ، وزیراعظم عمران خان اوورسیز پاکستانی تے وونٹ انا حق ترفسا اوفتے تون کروک آ قول ءِ پورو کرینے، پارلیمنٹ نا اسیجائی دیوان اٹی پاکستان نا تاریخی سرسہبی مسنے، الیکٹرونک ووٹنگ مشین و پیشن نا ملک پاکستانی تے وونٹ انا حق کون آ کانود منظور مسنے۔ داہیت ءِ او جمعہ نادے آ داڑے اوڑدہی کروک آ پی ٹی آئی نا کارندہ غاتا اسہ ڈل اسے آن پد ’’اے پی پی‘‘ تون گپ وتران کرسا پارے۔ اوپارے کہ اپوزیشن جماعت آتے مفاد عامہ ٹی جوڑ کروک آ کانود کیدنگ مفننگ ءِ اپوزیشن جماعت آک چارہ ای وی ایم سسٹم دھاندلی نا کسر ءِ توننگ کن جوڑ کننگانے۔ اوپارے کہ پاکستان تحریک انصاف نا حکومت تاریخ ساز کانود سازی نا پاکستان نا تاریخ اٹ اولیکو وار اوورسیز پاکستانی تے ووٹنگ نا حق تننگانے۔ اوپارے کہ اپوزیشن دابل انا مخالفت ءِ کرسا پیشن نا ملک پاکستانی تتون دشمنی نا درشانی ءِ کرے اپوزیشن خواپک کہ اوورسیز پاکستانیک وونٹ انا حق ءِ کاریم اٹ اتنگ کیر۔ اوپارے کہ الیکٹرانک ووٹنگ مشین آن کس اس گچین کاری تیا ہور ہرفنگ کپک ، اپوزیشن نا کنڈآن دابل انا مخالفت شفاف گچین کاری تا مخالفت ءِ قوم ای وی ایم نا کمک اٹ گچین کاری عمل ءِ شفاف کننگ نا مخالف آتا دوغلہ دروشم ءِ درست کرینے۔
