اسلام آباد۔ 19 نومبر (اے پی پی) سینیٹ ءِ پاننگانے کہ جعلی ویکسی نیشن کارڈ جوڑ کروک آتا برخلاف سخت کارروائی کننگک۔ جمعہ نادے آ بڑزکو ایوان اٹ وقفہ سوج آتے ٹی سینیٹر مہرتاج روغانی نا سوج انا ورندی ٹی وزیر مملکت پارلیمانی امور علی محمد خان ایوان ءِ پارے کہ این سی او سی نا سسٹم بھاز فعال ءِ و داہیت ءِ پک کننگانے کہ جعلی ویکسی نیشن کارڈ انا جاری کننگ ءِ توننگ مرے ولے دا حقیقت ءِ کہ ننا سسٹم اٹ داوڑنا باندات مریک، جعلی ویکسی نیشن کارڈ جوڑ کروک آتا برخلاف کارروائی نا بابت سرجم آتے ایوان اٹ پیش کننگک۔
