اسلام آباد۔ 19 نومبر (اے پی پی) بنجائی وزیر نجکاری محمد میاں سومرو پارینے کہ ہیوی الیکٹریکل کمپلیکس نا نجکاری بھاز زوت ایسر اسکان سرمریک، ڈسکوز بحالی کن ایکسپریشن آف انٹریسٹ شینک مسنے۔ داخیال آتا درشانی ءِ او جمعہ نادے آ نجکاری کمیشن نا ہفتہ وار جاچ دیوان نا کماشی ٹی کرے۔ دیوان اٹی بنجائی وزیر ءِ چندی سرکاری ادارہ غاتا نجکاری آ مروک آ ساڑی آ پیش رفت آ حوال تننگا۔ دیوان اٹی پاننگاکہ پرائیویٹائزیشن پروگرام نا بابت منہ اہم فیصلہ غاتے پک کننگ کن نجکاری بورڈ انا دیوان زوت گمانی ءِ۔ داوخت آ سرکاری پراپرٹیز آتا بہا، پاکستان اسٹیل ملز انا بحالی و ہاؤس بلڈنگ فنانس نا بابت سرجم گپ وتران کننگا۔ دیوان ءِ پاننگاکہ پاکستان اسٹیل ملز بحالی ڈٹ اکن 8 زرکار کمپنیک کاغد جمع کرفینو و نیشنل پاور پارکس مینجمنٹ کمپنی نا نجکاری ٹی مروک آ پیش رفت نا ہم جاچ ءِ ہلنگا۔ داوخت آ محمد میاں سومرو پارے کہ ہیوی الیکٹریکل کمپلیکس نا نجکاری بھاز زوت ایسر اسکان سرمریک۔ ڈسکوز بحالی کن ایکسپریشن آف انٹریسٹ شینک مسنے۔ اوپارے کہ سندھ انجینئرنگ لمیٹڈ نا نجکاری نا ویل آتیا وزارت انڈسٹریز تون اواری اٹ کاریم کننگ انگ ءِ۔ اوپارے کہ فرسٹ ویمن بینک، پاک ری انشورنس تون اوار ایلو ادارہ غاتا نجکاری آہم پیش رفت برجاءِ۔