اسلام آباد۔ 10 اپریل (اے پی پی) اینخو مالی سال 2016-17 ءنا اولیکو نہہ تُو اکن درملکی زرکاری نا ہدف ئِ دوئی کننگانے و داٹی 1.3 ارب ڈالر نا براہ راست درملکی زرکاری کننگانے۔ زرکاری بورڈ انا ترجمان پارینے کہ جاری مالی سال اکن ایف ڈی آئی نا ہدف 2.7 ارب ڈالر مقرر کننگانے وخت اس کہ مالی سال انا اولیکو نہہ تو اکن ایف ڈی آئی نا ہدف 1.3 ارب ڈالر مقرر کننگاسس ہرادے دوئی کننگانے۔ اوپارے کہ ایف ڈی آئی ٹی ودکی کن زرکاری بورڈ ملک انا چندی شار تیٹی مخصوص اقتصادی زون اڈ تسنے ہراڑے ہندی و درملکی زرکار آتا آسراتی کن ون ونڈو آپریشن نا بناءکننگانے ہراڑآن زرکارآتا آسراتی و پت اٹی نمان ودکی مسنے۔ اوپارے کہ مخصوص اقتصادی زون تیٹی زرکاری کروک آ زرکار آتے مشینری و ازباب نا درآمد آ کسٹم ڈیوٹی ٹی چھوٹ وخت اس کہ دہ سال اکن خراج آن استثنیٰ ہم تننگ انگ ئِ ہرانا سوب آن اینخو مالی سال اٹی براہ راست درملکی زرکاری تون اوار اوار ہندی زرکاری ٹی ہم ودکی مسنے۔
