اسلام آباد۔18نومبر (اے پی پی): مزن وزیر عمران خان ءَ گوشت کہ حکومت خیبر پختونخوا ءَ سیل ءُ سواد ءِ شوبگ ءَ کار رپک ءَ چہ سیت چست کنگ ءِ واستہ گامگیج کنگ ءَ انت، جان سلامتی کاٹ ءِ پجاری ءَ چہ الس ءَ را جوانیں علاج ءِ آسراتی ءِ پجاری ءَ را دل یکیمی جوڑ کنگ بوھگ ءَ انت۔ اے ھیالانی درشانی آئی ءَ سر وزیر خیبر پختونخوا محمود خان ءَ گوں تران کنان ءَ کت آئی ءَ پنچ شمبے ءِ روچ ءَ آئی ءَ گوں گند ءُ نند کت ۔ گند ءُ نند ءَ صوبگ ءَ جاڑیگیں دیمروئی کار ھاسیں رنگ ءَ سیل ءُ سواد ءِ دیمروئی ءِ واستہ جاڑیگیں منصوبگ آنی سر ءَ ھیال ریچی کنگ بوت۔ گند ءُ نند ءَ ایگریکلچر ٹرانسفارمیشن پلان، جنگل آنی رکھینگ ءِ گامگیج ءُ صوبگ ءَ جاڑیگیں انفراسٹرکچر ءِ گہتری ءِ واستہ منصوبگ آنی سر ءَ ھیال ریچی کنگ بوت۔ ایشی ءَ ابید جان سلامتی کاٹ ءُ ایشی ءَ چہ الس ءَ را بنیاتی جان سلامتی آسراتی ءِ پجاری ءَ گہتری ءِ بابت ءَ تران کنگ بوت۔
