اسلام آباد۔ 18 نومبر (اے پی پی) وزیراعظم عمران خان وزیرداخلہ شیخ رشید احمد و ایلو اسمبلی نا باسک آتا اسیجائی دیوان اٹ بشخ ہلنگ آ منت واری ءِ ہرفینے۔ پنچ شنبے نادے آ تینا ٹویٹ اٹی اوپارے کہ ای پاکستان تحریک انصاف و قوم انا کنڈآن اسیجائی دیوان اٹی بشخ ہلنگ آ اوفتا جوزہ نا ستاءِ کیوہ و اوفتا منت واراُٹ۔ اوپارے کہ ننا قومی اسمبلی نا باسک خیال زمان، احسان اللہ ٹوانہ و راحت امان اللہ بھٹی ناجوڑی آن پد ہم پارلیمنٹ نا اسیجائی دیوان اٹ بشخ ہلکر وخت اس کہ وزیر داخلہ شیخ رشید احمد تینا ایلم نا کزیت آن پد ہم اسیجائی دیوان اٹی بشخ ہلک۔
