اسلام آباد۔ 18 نومبر (اے پی پی) وزیرخارجہ شاہ محمود قریشی پارینے کہ پاکستان امریکہ تون تینا متکن آ تعلقداری تے قدر انا نظر اٹ ہرک، نن امریکہ تون تینا تعلقداری تے ودفنگ نا خواہندار اُن۔ داہیت ءِ او یوایس انسٹیٹیوٹ آف پیس نا ڈل اتون گپ وتران کرسا پارے ہراپنچ شنبے نادے آ وزارت خارجہ ٹی اوڑتون اوڑدہی کریر۔ اوڑدہی ٹی پاکستان و امریکہ نا نیام اٹ ہڑتوم آ کنڈآتا تعلقداری ، اوغانستان نا مون آ بروک حالیت آتون اوار تین پہ تینی است خواہی نا امور آ گپ وتران کننگا۔ وزیرخارجہ ڈل اتون گپ وتران کرسا پارے کہ ای تینا واشنگٹن نا دورہ غاتے ٹی یوایس آئی پی تون ہیت وگپ کرینٹ، کنے یخین ءِ کہ یوایس انسٹیٹیوٹ آف پیس، ہڑتوم آ ملک آتا نیام اٹ ہم آہنگی نا بشخ آتا پیدواری و اہمیت ءِ تالان کننگ کن تینا کڑد ادا کرسا کیک۔ شاہ محمود قریشی پارے کہ پاکستان امریکہ تون تینا متکن آ تعلقداری تے قدر انا نظراٹ ہرک۔ اوپارے کہ تاریخ و جغرافیائی سیاست نا دا موڑآ، نن امریکہ تون تینا تعلقداری تے ودفنگ نا خواہندار اُن۔ شاہ محمود قریشی پارے کہ اوغانستان اٹی حالیت آک پدریسہ بدل مننگ ءُ، پاکستان کن، اسہ خڑک انا ہمسایہ مننگ نا ناطہ ، پرامن و سوگو اوغانستان بھاز اہمیت تخک۔ وزیرخارجہ پارے کہ 11 نومبر 2020آ، نن اوغانستان نا تازہ حالیت آتیا گپ وتران کن، پاکستان، چین، روس و امریکہ غا تالان ٹرائیکاپلس، نا دیوان نا مہمانداری ءِ کرین۔ دادیوان اٹ انسانی تنکی ءِ توننگ نا گرج ، اوغانستان آن پیش تمنگ کن رکھ ءُ کسر اسے نا تننگ، اسہ جوان ءُ حکومت اس ٹہیفنگ، غٹ اوغان تا حق انا شرف بشمول زالبول آتا بریبر حق، مسن تا تعلیم و دہشتگرد آتا کمک اٹ اوغان گل زمین نا کاریم اٹ اتنگ ءِ توننگ کون آ اسیجائی اہمیت تخوک ہدف آتیا گپ وتران کننگا۔
