اسلام آباد۔ 18 نومبر (اے پی پی) بنجائی وزیر حوالکاری و شینکاری چوہدری فواد حسین پارینے کہ اپوزیشن ءِ اسہ وار ولدا پاوہ اصلاحات کن عدالت نا جاگہ غا اسپیکر آفس آ برے، نما سلاہ تا خیرمقدم ءِ کینہ۔ ای وی ایم نا نظام ءِ اول بیرہ پہہ مبو نما غٹ گڑتی تے مرکینہ۔ پنچ شنبے نادے آ تینا اسہ ٹویٹ اسے ٹی اوپارے کہ اوورسیز پاکستانی تا وونٹ انا حق آن اسہ کنڈ مننگ کپنہ، داننا گچین کاری قول اس ئس۔ اوپارے کہ شریف، زرداری فیملی نا سیاست کسہ پارینہ ءُ، داسہ اپوزیشن اٹ ہم پوسکن آ گوازی گرآتا واری ءِ۔ بروک آ اِراسال پاکستان نا تاریخ ءِ بروک آ اِراعشرہ غاتا سیاست ءِ طے کینہ۔ اوپارے کہ 1990نا دہائی نا سیاست نا پورو چٹنگ بروک آ اِراسال اٹی طے ءِ۔
