کوئٹہ۔ 18 نومبر (اے پی پی) مسکوہی وزیراعلیٰ بلوچستان جام کمال خان پارینے کہ بلوچستان عوامی پارٹی نا ہم خیال دوست آتا بھاز زوت اسہ دیوان اس بٹنگسا کارندہ آتے اول سرآن منظم کننگک، بلوچستان عوامی پارٹی ءِ فعال و متحرک جماعت جوڑ کننگ اٹ طالب علم، وکیل، اقلیتی و زالبول ونگز پبی کڑد ادا کرینو ہرافتے پین گچین کننگک۔ پنچ شنبے نادے آ تینا بیان اٹی اوپارے کہ دُن تو بلوچستان عوامی پارٹی کن راہشون و کارندہ غاک تینا دترنا نذرانہ پیش کرینو ہنداخاطرآن جماعت ءِ منظم کننگ کن کروک آ خواریک زیان مفسہ۔ جام کمال خان پارے کہ انشاء اللہ پارٹی پین منظم و سوگو مریک و بروک آ گچین کاری تیٹی پبی بشخ ہلیک۔
