اسلام آباد۔ 18 نومبر (اے پی پی) سینیٹ نا قائمہ کمیٹی داخلہ نا دیوان (اینو) جمعہ نادے آ مریک ۔ سینیٹ سیکرٹریٹ نا رداٹ سینیٹ نا قائمہ کمیٹی داخلہ نا دیوان کمیٹی نا چیئرمین سینیٹر محسن عزیز نا کماشی ٹی پارلیمنٹ ہاؤس اسلام آباد نا کمیٹی روم نمبر 4اٹی مریک۔ دیوان اٹی اسلام آباد کیپٹل ٹیریٹری ٹرسٹ(ترمیمی) بل 2020، کوڈ آف کرمنل پروسیجر(ترمیمی) بل 2021و کوئٹہ ٹی پاکستان میڈیکل کمیشن نا امتحان تا برخلاف برانز اٹی طالب علم آتا دزگیری نا امور آ سجفنگک۔ دیوان اٹی سی ڈی اے نا کنڈآن اسلام آباد نا سیکٹر آئی۔12ٹی شونداری کاریم تا بناءِ کپننگ و دارالحکومت اٹ پِرتیان مروک آ جانی و ملکیت آتے رسینگوک آ نسخان نا باندات آہم سجفنگک۔ دیوان اٹی سینیٹ اٹی قائد حزب اختلاف سینیٹر سید یوسف رضاگیلانی و وزیر داخلہ آن بیدس کمیٹی نا باسک و تعلقدار کمامدارآک بشخ ہلیرہ۔
