ورچوئل وانگ ءُ زانگ سک باز المی انت، پاکستان ءَ را مزن تکی ھیل کاری  آئی ٹی ءُ میڈیکل گریجویٹس ءِ ضلورت انت  ایشی ءِ سر ءَ دلگوشی لو ٹ ایت، صدر مملکت  ڈاکٹر عارف علوی

اسلام آباد۔17نومبر  (اے پی پی):صدر مملکت ڈاکٹر عارف علوی  ءَ گوشت کہ یک مشتیں  وانگ ءُ زنگ ءُ جوانیں جان سلامتی  ءَ چہ دیمروئی  کنت۔ ورچوئل وانگ ءُ زانگ سک باز ارزشتی انت۔ پاکستان ءَ را جوانیں زانشتی آءی ٹی ءُ میڈیکل گریجویٹس ءِ ضلورت انت ایشی ءِ سر ءَ دلگوشی  کنگ لوٹ ایت، ورچوئل وانگ  ءُ زانگ ءِ واسیلگ ءَ انفراسٹرکچر ءَ ابید نودربر آنی کساس ءَ را ودینگ بوت کنت۔ صدر ءِ مملکت ءَ چار شمبے ءِ روچ ءَ ادار  پاکستان انسٹیٹوٹ آف میڈیکل سائنسز ءَ شہید ذوالفقار علی بھٹو میڈیکل یونیورسٹی ءُ  فیڈرل میڈیکل  کالج ءِ اکیڈمک بلاک ءِ بن ھشت ءِ ایر کنگ ءِ  ساھت ءَ  برجم داشتگیں دیوان ءَ گوں  تران کنان ءَ کت۔  مراگش ءَ مزن وزیر ءِ ھاسیں کمکار برائے جان سلامتی ڈاکٹر فیصل سلطان، ہائیر ایجوکیشن کمشن ءِ ایگزیکٹو ڈائریکٹر ڈاکٹر شائستہ سہل، یونیورسٹی ءِ وائس چانسلر ڈاکٹر تنویر خالق، پر ووائس چانسلر ڈاکٹر  سیدہ بتول مظہر، ڈاکٹر عابد ملک ءَ ھور کلانہ ایں طبی  کلانہ  ءُ ایندگر سروک آں بھر زوری کت۔