اسلام آباد۔17نومبر (اے پی پی):صدر مملکت ڈاکٹر عارف علوی ءَ گوشت کہ پاکستان کشمیری آنی وت واجئی ءِ ھک ءِ در جنگ ءَ تاں کمک ءَ را جاڑی دار ایت، یونائیٹڈ نیشن ءِ منوگری آنی رد ءَ کشمیر ءِ جیڈھ ءِ گیواری ءَ چہ پڑ ءَ دراج بریں ایمنی بیت، استیں حکومت آزات جمون کشمیر ءِ دیمروئی ءِ گوما گیر کانودی بھارتی مقبوضہ جموں کمشیر ءِ جیڈھ ءِ گیواری ءِ واستہ جزمیگ انت۔ اے ھیالانی درشانی آئی ءَ چار شمبے ءِ روچ ءَ ادا صدر آزات جموں کشمیر بیرسٹر سلطان محمود چوہدری ءَ گوں گند ءُ نند ءَ تران کنان ءَ کت۔ گند ءُ نند ءِ ساھت ءَ آزات جموں کشمیر ءِ دیمروئی ھواریں جاور ھال ءُ کشمیر ءِ جیڈھ آنی سر ءَ ھیال ریچی کنگ بوت۔
