اسلام آباد۔ 17نومبر (اے پی پی) بنجائی وزیر حوالکاری و شینکاری چوہدری فواد حسین پارینے کہ تحریک انصاف اسٹ انگا جماعت ءِ ہرا اوورسیز پاکستانی تے وونٹ انا حق تننگ خواہک، الیکٹرانک ووٹنگ مشین و اوورسیز پاکستانی تے وونٹ انا حق تننگ نا بابت اِرا کانود بھاز اہمیت تخرہ، داکانود آتا منظوری وزیراعظم عمران خان نا کمٹمنٹ مسنے، ہڑتوم آ ایوان تا گیشتری داڑے ساڑی ءِ، پارلیمنٹ نا اسیجائی دیوان اٹی اینو اہم بل پاس مریک، اپوزیشن نزور پہلوان تیا تالان ءِ، کانود سازی آن پد اپوزیشن نا تہہ ٹی تالان مننگ نا عمل ترند مریک۔ داخیال آتا درشانی ءِ او چارشنبے نادے آ داڑے پاکستان تحریک انصاف نا پارلیمانی پارٹی نا دیوان آن پد گپ وتران کرسا کرے۔ بنجائی وزیر حوالکاری پارے کہ پاکستان تحریک انصاف نا پارلیمانی پارٹی نا دیوان اٹی سینیٹ و قومی اسمبلی نا گچین مروک آ باسک آک وزیراعظم عمران خان نا کماشی آ پورو پت انا درشانی ءِ کرینو، دا غٹ باسک آتا منت واری ءِ ہرفیوہ ہراتینا مصروفیات آتے ہلسا دیوان اٹی بشخ ہلکر۔ اوپارے کہ ہڑتوم آ ایوان تا باسک آتا گیشتری داڑے ساڑی ءِ ، پارلیمنٹ نا اسیجائی دیوان اٹی اہم بل پاس مریک ، الیکٹرانک ووٹنگ مشین و اوورسیز پاکستانی تے وونٹ انا حق تننگ نا بابت اِراکانود بھاز اہمیت تخرہ، داکانود آتا منظوری وزیراعظم عمران خان نا کمٹمنٹ مسنے۔ بنجائی وزیر حوالکاری پارے کہ تحریک انصاف اسٹ انگا جماعت ءِ ہرا اوورسیز پاکستانی تے وونٹ انا حق تننگ خواہک، پارلیمانی پارٹی نا دیوان اٹی وزیراعظم داسیوتی، سینیٹرز و قوممی اسمبلی نا باسک آتا منت واری ءِ ہرفے ہرافک ناجوڑی و بیوسی آن پد ہم بسر۔ پارلیمانی پارٹی وزیراعظم آ تینا پورو پت انا درشانی ءِ کرینے ، داپت پارلیمنٹ نا اسیجائی دیوان اٹ پاش مریک۔ اوپارے کہ اپوزیشن نزور پہلوان تیا تالان ءِ، شکست و ریخت انا گواچی مسنے، اینو نا کانود سازی آن پد اپوزیشن نا تہہ ٹی تالان مننگ نا عمل ترند مریک۔
