اسلام آباد۔ 07 نومبر (اے پی پی) وزیراعظم آزاد کشمیر سردار عبدالقیوم نیازی تون بنجائی وزیر امور کشمیر علی امین گنڈاپور اوڑدہی کرے۔ کشمیر کونسل نا باندات، ایل ا و سی آ بنکرآتا تفنگ، پارٹی و تین پہ تینی است خواہی نا امور آ گپ وتران مس۔ وزیراعظم داوخت آپارے کہ ایل او سی نا الس کن بنکرآتا دمدستی پوروتفنگ المی ءِ، کشمیر ڈویلپمنٹ پیکج اٹ ایل او سی نا الس نا شونداری و شونہالی کن خصوصی ڈٹ تخنگک، آزاد کشمیر اٹ تحریک انصاف نا منشور نا رداٹ کاریم کننگ اُن۔ وزیراعظم آزاد کشمیر پارے کہ آزاد کشمیراٹ اصلاحات نا عمل برجاءِ، وزیراعظم پاکستان عمران خان نا وژن ءِ عملی ءُ دروشم اس ایتنہ۔ داوخت آ وزیر امور کشمیر پارے کہ بنجائی حکومت ایل او سی آ بنکرآتا تفنگ کن پبی کمک کیک۔ وزیراعظم عمران خان آزاد کشمیر نا شونداری ٹی خاص است خواہی تخک۔
