اسلام آباد۔ 17 نومبر (اے پی پی) اسپیکر قومی اسمبلی اسد قیصر پارینے کہ آئین، کانود و قاعدہ و ضابطہ نا برخلاف ہچ ءُ گام اس ہرفپرہ۔ چارشنبے نادے آ پارلیمنٹ نا اسیجائی دیوان اٹی قائد حزب اختلاف شہباز شریف نا چندی ٹک آتا ورندی ءِ ترسا اسپیکر پارے کہ او ایوان نا محافظ ءِ و غٹ فیصلہ غاتے رولز انا رداٹ کیک، انت کہ بل اس ہم حکومت یا اپوزیشن اتیک اوڑآ رولز انا رداٹ کارروائی کننگک۔ اسپیکر پارے کہ دا اسمبلی غٹ آن زیات سلابت و کانود جوڑ کرینے، داہیت ریکارڈ آٹی ءِ۔
