اسلام آباد۔ 17 نومبر (اے پی پی) نیشنل کمانڈ اینڈ آپریشن سینٹر (این سی او سی) ٹی بنجائی وزیر ڈٹ بندی و شونداری و خصوصی گام گیج اسد عمر و نیشنل کوآرڈنیٹر میجر جنرل ظفراقبال نا کماشی ٹی اڈ ہلک۔ چارشنبے نادے آ دیوان اٹی این سی او سی غٹ اسٹیک ہولڈر آتے پارت کرے کہ او سورُک و روبیلا(ایم آر ) مہم آن پد ویکسی نیشن نا رسینگ اسکان نا گام گیج آتے ترند کیر تانکہ مخلوق ءِ زیات آن زیات ویکسین خلنگ مرے۔ فورم دینی مرض انا چارٹ انا حساب وکتاب و کورونا ویکسین نا حکمت عجلی نا سرجم جاچ ءِ ہلک۔ فورم غٹ بنجائی اکائی تے پارت کرے کہ او بھلو کچ اسے آ ویکسی نیشن مہم نا رسینگ کن تیاری کیر۔ فورم ءِ پاننگاکہ کوویڈ ویکسی نیشن کن لائخ بندغ آتسکان سرمننگ کن جوان ءُ کال سینٹر جوڑ کننگک۔
