اسلام آباد۔ 17 نومبر (اے پی پی) سپریم کورٹ سرکاری ملازم آتا سروس و پنشن نا بابت خیبرپختونخوا نا کنڈآن دائر چندی اپیل آتیا سماعت ءِ غیر معینہ مد اسکان پدبٹے۔ عدالت عظمیٰ کے پی کے نا کنڈآن میعاد آن زیات اپیل دائر کننگ آ چیف سیکرٹری خیبرپختونخوا ءِ بٹنگا۔ سپریم کورٹ گوندانے کہ بروک آ سماعت آ چیف سیکرٹری خیبرپختونخوا تینٹ پیش مرسا میعاد آن زیات اپیل دائر کروک آ آفیسر آتا بابت رپورٹ پیش کے و دا بابت وضاحت ہم ایتے۔ چارشنبے نادے آ چیف جسٹس گلزار احمد نا کماشی ٹی مسہ باسکی بنچ معاملہ غا سماعت کرے۔ سماعت اٹی چیف جسٹس گلزار احمد ایڈووکیٹ جنرل کے پی کے ءِ مخاطب کرسا ریمارکس تس کہ خیبرپختونخواہ آن پدریسہ میعاد آن زیات اپیل دائر مننگ ءِ ، چیف سیکرٹری کے پی کے ءِ بٹنگے اوڑآن وضاحت ہلینہ۔ داوخت آ ایڈووکیٹ جنرل کے پی کے دلیل ترسا موقف ءِ تینا کرے کہ کورونا نا دین انا سوب آن گڑاس اپیل دائر کننگ اٹ ہُرے مس۔ عدالت عظمیٰ کے پی کے نا کنڈآن میعاد آن زیات اپیل دائر کننگ آ چیف سیکرٹری خیبرپختونخواءِ بٹنگسا باندات آ سماعت ءِ غیر معینہ مد اسکان پدبٹے۔ سپریم کورٹ گوندانے کہ بروک آ سماعت آ چیف سیکرٹری خیبرپختونخوا تینٹ پیش مرسا میعاد آن زیات اپیل دائر کروک آ آفیسر آتا بابت رپورٹ پیش کے و دا بابت وضاحت ہم ایتے۔
