اسلام آباد۔ 17 نومبر (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ الس شریف آتا متکن آ چم آتیان بیزار مسنے، وزیراعظم عمران خان نا وژن پاکستان نا شونداری و نیزگار الس نا آسودہی نا اسٹ انگا کسر ءِ۔ چارشنبے نادے آ احسن اقبال نا بیان آ تینا ردعمل اٹ اوپارے کہ نابود لیگی آن جمہوریت و پارلیمانی بھاشن بنگورے تو سمجھبو کہ نابود اینو ولدا ترخنگ والا ءُ۔ الس شریف آتا متکن آ چم آتیان بیزار مسنے۔ اوپارے کہ پارلیمان نا عزت نا دعویدار اینو پارلیمنٹ ءِ شیف خلنگ اٹ لگوک ءُ۔ درواسکان جمہوریت نا جعلی علمبردار پارلیمان نا شرف ءِ بڑزکریسر۔ روایت آتیان چپ اینو جمہوری تسلسل نا کسر اٹ اڑنگ شاغنگ ءُ۔ ڈاکٹر شہباز گل پارے کہ ہرہنوک آ دے اتون کرپٹ اپوزیشن قوم انا مون آ بے نقاب مسنے۔ وزیراعظم عمران خان نا وژن پاکستان نا شونداری و نیزگار الس نا آسودہی نا اسٹ انگا کسر ءِ۔ اوپارے کہ کلبھوشن نا آقاتے اُراغا بٹنگوک آک بے شرمی نا معراج آٹی ءُ۔ دوبہ و پراہ گندہ سیاست اٹ شریف خاہوت و دا درباری تا ہچ ءُ مٹ اس اف۔
