اسلام آباد۔16نومبر (اے پی پی): مزن وزیر عمران خان ءَ گشتگ کہ ٹیکنالوجی ءِ پڑءِ برآمدات ءِ تہا گیشی حکومت ءِ اولی دلگوشی اِنت، سپیشل ٹیکنالوجی زونز ءَ را الم ءَ سرجم کنگ بہ بیت۔ آئی ءَ اے ھیالانی درشانی سپیشل ٹیکنالوجی زونز اتھارٹی ءِ چیئرمین عامر ہاشمی ءَ گوں گپء ُتران کنان ءَ کتگ۔ گندء ُنندءَ سپیشل ٹیکنالوجی زونز پر پیشرفت ء ُ ڈنی زرکارانی ھدوناکی ءِ سرءَ ھیال ء ُ لیکہ ءِ درشانی کنگ بوتگ۔ مزن وزیر ءَ را حال دیئگ بوتگ کہ سپیشل ٹیکنالوجی زونز ءِ سرءَ گوں گشادی ءَ کار جاری اِنت کہ اِد ءَ ٹیکنالوجی انٹر پرینیورز ءَ را جدید آسراتی سرکنگ بیت، ڈنی زرکاری ءَ چہ ملک ءَ ٹیکنالوجی گیش بوت کنت۔ مزن وزیر ءَ پنتء ُ شون کتگ کہ سپیشل ٹیکنالوجی زونز ءِ ہوالگءَ المی گامگیج زوت چست کنگ ء ُ ایشی ءَ را زوت سرجم کنگءِ ھاترءَ گامگیج چست کنگ بہ بیت۔
