اسلام آباد۔16نومبر (اے پی پی): مزن وزیر عمران خان ءَ گوں راجی اسمبلی ءِ باسک طاہر اقبال، پرنس محمد نواز الائی، جاوید اقبال وڑائچ ء ُ ناصر اقبال ءَ گندء ُنند کتگ ء ُ دیمروئی منصوبہ آنی سرءَ ھیال ءُلیکہ ءِ درشانی کنگ بوتگ۔ سئے شمبے ءِ روچءَ مزن وزیر کارگس ءِ میڈیا ونگ ءَ چہ جار ی بیان ءِ ردء ِ ردءَ گندء ُنندءَ حاسیں کمک کار ملک عامر ڈوگر ہم ساڑی بوتگ۔ اے موہ ءَ ایم این اے طاہر اقبال ءِ حُدا مُرزی مات ءِ ھاترءَ فاتحہ وانگ بوتگ۔ گندء ُنندءَ وہاڑی ء ُ بٹ گرام ءَ جاری دیمروئی منصوبہ ء ُ رحیم یار خان ءَ سٹی پیکیج ءَ چہ انفراسٹرکچر ء ُ آپ کشی ءِ نظام ءِ گہتری ءِ ھاترءَ استیں منصوبہ آنی سرءَ ہم ھیال ء ُ لیکہءِ درشانی کنگ بوتگ۔
