اسلام آباد۔16نومبر (اے پی پی): مزن وزیر عمران خان ءَ گوشت کہ معاشی چست ءُ ایر آنی دیمروئی ءِ واستہ گہتر ءُ کمو ھرچ ءُ درچ ءَ چہ بنیاتی کوکار ءِ جوڑیشت ءِ واستہ جزمیگ آن، سیالکوٹ۔ کھاریا موٹروے منصوبگ گیم چینجر سہرا بیت، ملک ءِ گران بھائیں مالی آسراتی ءِ بچت ءِ واستہ جوانیں ءُ کمو ھرچ ءُ درچ ءَ چہ سڑک آنی جوڑیشت کنگ بیت۔ اے ھیالانی درشانی آئی ءَ سئے شمبے ءِ روچ ءَ سیالکوٹ۔ کھاریا راولپنڈی موٹروے ءِ ھوالگ ءَ برجم بوھوکیں دیوان ءَ گوں گشتانک دیان ءَ کت۔ دیوان ءَ بنجاھی وزیر رسانک مراد سعید، بنجاھی وزیر منصوبگ بندی ءُ دیمروئی کار اسد عمر، بنجاھی وزیر اھوالکاری ءُ شنگ کاری چوہدری فواد حسین، مزن وزیر ءِ مشیر ھزانگ شوکت فیاض ترین ءُ ٹوھیں اپسرگ شریک اتنت۔
