اسلام آباد۔16نومبر (اے پی پی): مزن وزیر عمران خان ءَ گوشت کہ حکومت کشت ءُ کشاری شوبگ ءِ دیمروئی ءِ واستہ جزمیگ انت، دھکان آناں کشت ءُ کشار ی منصوبگ آنی تہ کمک، جوانیں توم، جوانیں کشت ءُ کشاری مشین ءُ آسانی ءَ گوں وام ءِ پجاری حکومت ءِ اولی کار آنی تہ ءَ ھوار انت۔ اے ھیالانی درشانی آئی ءَ شئے شمبے ءِر وچ ءَ ملک ءَ کشت ءُ کشاری شوبگ ءِ دیمروئی ءَ مزن تکی دیوان ءِ سروکی ءَ کنان ءَ کت۔ دیوان ءَ بنجاھی وزیر برائے نیشنل فوڈ سیکورٹی سید فخر امام ، مشیر ھزانگ شوکت فیاض ترین، صوبائی وزیر کشت ءُ کشار پنجاپ سید حسین جہانیاں گردیزی ءُ سیادی داروکیں کلانہ ایں اپسرگ آں بھر زوری کت وھدیکہ گورنر سٹیٹ بینک ڈاکٹر رضا باقر ءَ ویڈیو لنک ءِ وسیلگ ءَ دیوان ءَ بھر زوری کت۔ مزن وزیر ءَ گوشت کہ کشت ءُ کشاری شوبگ ءِ سرجمیں کار رپک ءَ گیشاں چہ گیش سیت چست کنگ ءِ واستہ جزمیگ انت۔ دھکان آناں کشت ءُ کشاری منصوبگ ءَ کمک، جوانیں توم، نوکیں مشینری ءُ آسانی ءَ گوں وام ءِ پجاری حکومت ءِ اولی کار آنی تہ ءَ ھوار انت۔ حکومت دھکان آنی کمک ءَ چہ آیوکیں سال ءَ کشت ءُ کشاری ءِ پیدوار ءِ تہ ءَ گیشی ءِ واستہ کوشست ایگ انت۔
