اسلام آباد۔ 16 نومبر (اے پی پی) وزیراعظم عمران خان اینو( سے شنبے نادے ) آ اسلام آباد اٹی اڈ ہلوک دود اٹی للہ آن جہلم روڈ انا بنداو ءِ تخک۔ وزیراعظم آفس نا میڈیاونگ آن جاری بیان نارداٹ 128 کلومیٹر مرغن دورویہ سڑک 16 ارب روپئی نا خڑچ آن تفنگک و داے 30 تُو اٹی پورو کننگک۔ داسڑک نا تفنگ آن چکوال، خوشاب، منڈی بہاؤالدین ، گجرات و میر پور نا علاقہ غاتے ٹی رابطہ قائم مریک، ہندا سڑک نا سوب آن سیل و سوات نا مون آ دننگ، کاشت انا فارم آن مارکیٹ رسد ، روزگار نا وارخواہی تیٹی ودکی و زرگزرانی شونداری ٹی کمک رسینگک۔ دود آن وزیراعظم ، وزیراعلیٰ پنجاب سردار عثمان بزدار و بنجائی وزیر حوالکاری فواد چوہدری ئسک تران کیرہ۔
