اسلام آباد۔ 16 نومبر (اے پی پی) بڑزکو ایوان نا قائمہ کمیٹی حوالکاری و شینکاری نا چیئرمین سینیٹر فیصل جاوید پارینے کہ اپوزیشن مدام السی فائدہ غاتا کانود سازی ٹی بلیک میل و بارگین کننگ نا کوشست کرینے۔ سے شنبے نادے آ بڑزکو ایوان نا دیوان اٹی اعتراضی ٹک آ او پارے کہ داکان مست ہم اپوزیشن نیب آرڈیننس اٹ تینا مرضی نا ترمیم خواہسکہ۔ آئین نا رداٹ گچین کاری عمل ءِ شفاف کننگ الیکشن کمیشن نا زمواری ءِ و داڑکن سپریم کورٹ حکومت ءِ کانود سازی نا پارت کرینے ولے اپوزیشن خواپک کہ السی فائدہ کن کانود سازی اس مرے، ہنداخاطرآن اوٹی اڑنگ شاغنگ نا کوشست کرسا کیک۔
