اسلام آباد۔ 16 نومبر (اے پی پی) بنجائی وزیر ریلوائی اعظم سواتی پارینے کہ کراچی سرکلر ریلوائی ڈٹ 36 تُو اٹی پورو مریک، 30 دے اٹی ڈٹ آ کاریم بناکیک، جاپان نا حکومت کراچی سرکلر ریلوائی ڈٹ اس جوڑ کپننگ ءِ، 185 ریلوائی اسٹیشن تے شش تُو اٹی شمسی توانائی آ گدریفنگک۔ سے شنبے نادے آ بڑزکو ایوان نا دیوان اٹی سینیٹر مشتاق احمد نا چکاری نوٹس نا ورندی ٹی بنجائی وزیر ریلوائی پارے کہ کراچی شار داوخت آ کچرا منڈی اس جوڑ مسنے، شار اٹی بنجائی حکومت نا 16 جتا ڈٹ آتیا کاریم برجا ءِ ہرا اسہ سال اٹی پورو مریرہ، سپریم کورٹ 2020ء ٹی کراچی سرکلر ریلوائی ءِ فعال کننگ نا پرمان کریسس اوکان پد 28 کلومیٹر نا ٹریک ءِ دمدستی بحال کننگا ولے ننااِرا ریل داوخت آ نسخان اٹ چلینگ انگ ءُ، کراچی سرکلر ریلوائی 220 ارب روپئی نا ڈٹ اسے، دانا پوروی آن سفر نا گچین آسراتی دُوبریک، مستین اٹ سڑک آتیان زیات اگہ ریلوائی آ دھیان تننگاتو ارب آ روپئی نا بچت مننگ کریکہ، دا ڈٹ پبلک پرائیویٹ پارٹنر شپ انا رداٹ پورو کننگک، ایف ڈبلیو او ءِ ٹھیکہ تننگ نا کاریم ءِ پورو کننگانے، جاپان نا حکومت کراچی سرکلر ریلوائی ڈٹ اس جوڑ کپننگ ءِ، کے سی آر کن بجلی نا آسراتی نا ہم بست و بند کننگانے، داٹی تعطل بفک، 185 ریلوائی اسٹیشن تے شش تُو اٹی شمسی توانائی آ گدریفنگک، اگہ بجلی دُزی و سگنل نا نظام سہی مرے تو ارب آ روپئی نا بچت مریک، اسہ سال اٹی سگنل نا نظام ءِ گچین کننگک، ایم ایل ون و ایلو ریلوائی ڈٹ آتا پورو مننگ آن ریلوائی نا کٹیا ٹی ہم ودکی مریک و الس ءِ اڑزآن سفری آسراتی دُوبریک۔
