اقوام متحدہ۔ 16 نومبر (اے پی پی) اقوام متحدہ قطبی ایتھوپیا ٹی ہلہلہ ئی کارروائی تیکن 40 ملین امریکی ڈالر نا فنڈ انا پڑو کرینے۔ چینی خبررساں ادارہ اقوام متحدہ نا پڑونا بابت پارے کہ ایتھوپیا نا تنازعہ غان زہمی قطبی علاقہ ٹی ہلہلہ ئی کارروائی تے ودفنگ کن 40 ملین امریکی ڈالر نا زر فراوان کننگک۔ جہانی ادارہ نا بڑزکو ہلہلہ ئی کمکی کارندہ مارٹن گریفتھس نا پاننگ ءِ کہ قطبی ایتھوپیا ٹی لکھ آ مخلوق مشکل زند اس تیر کننگ ءُ انتئے کہ انسانی تنکی گہرا و گیشتر مرسا کننگ ءِ۔ اوخبڑدار کرے کہ قطبی ایتھوپیا ٹی زالبول، مار و مسنک پدریسہ جھیڑہ غاتا گواچی ءُ و داجھیڑہ غاتا رداٹ اوفتا رکھ انا گرج بھاز کم ءِ۔ اونا پاننگ ئس کہ پوسکن آ امداد داجھیڑہ غاتا گواچی مخلوق نا بنداوی گرج آتے پورو کننگ اٹ کمک ایتک۔
