کوئٹہ۔15نومبر (اے پی پی):صدرمملکت ڈاکٹر عارف علوی ءَ گوشت کہ بلوچستان اسٹریٹیجک رد ءَ ٹوھیں ارزشتی ایں صوبگ ات، صوبگ ءَ سیل ءُ سواد ءِ پراھ ءُ شاھیگانیں امیت است ھمے واستہ گلگت بلتستان ءِ نمونگ ءَ بلوچستان ءَ ھم سیل ءُ سواد ءَ را دیمروئی دیگ لوٹ ایت، کورونا وائرس ءِ ھوپ ءَ چہ راج ءَ یک مشتی ءَ دیم پہ دیمی کتگ چیا کہ کورونا وائرس ءِ ٹوھیں آزمائش ءِ بوتگ ایشی ءِ تہ ءَ ھدا ءَ مارا کامیاتی داتگ، مزن وزیر عمران خان دگنیا ءِ ایوکیں لیڈر انت آئیءَ لس مردم آنی تکلیف آنی سما کنان ءَ پاکستان ءَ سرجمیں لاک ڈائون نہ جتگ۔ بنجاھ ءَ را بلوچستان ءِ جیڈھ آنی بابت ءَ جوان سرپدی انت ایشانی گیواری ءِ کوشست ءَ کناں۔ اے ھیالانی درشانی آئی ءَ دو شمبے ءَ گورنر گس کوئٹہ ءَ قبائلی سروک، تاجر ءُ ایندگر تبک ءِ رھشون آنی گوما تران کنان ءَ کت۔ اے موہ ءِ سر ءَ گورنر بلوچستان سید ظہور احمد آغا،صوبائی وزیر سردارصالح بھوتانی ،محمدخان لہڑی ،مبین خان خلجی ،ظہوراحمد بلیدی،صوبائی محتسب نذرمحمد بلوچ ،ایم ڈی بلوچستان ایجوکیشن فاونڈیشن پروفیسرشیر زمان ءُ ایندگر ٹوھیں ٹوھیں مردم ساڑی اتنت۔ صدر ءِ مملکت ءَ گوشت کہ گپ ءُ تران آنی وسیلگ ءَ السی جیڈھ آناں جوانیں رنگ ءَ گوں گیش ءُ گیوار کنگ بوت کنت۔ مرچی گند ءُ نند ھمے کار آنی کڑئی انت۔ آئی ءَ گوشت وھد ءِ کشگ ءُ ادا گورنر گس ءَ آیگ ءِ پد ءَ قبائلی سروک آنی شگر ءُ منت وار اوں۔ آئی ءَ گوشت کہ لس مردم ءِ جیڈھ آنی گیواری حکومت ءِ فرض انت۔ آئی ءَ قبائلی سروک، کوئٹہ چیمبر آف کامرس ءِ سروک، سول سوسائٹی ءِ جیڈھ آناں دلگوشی ءَ گوں گوشداشت ءُ ایشانی گیواری ءِ بابت ءَ دل یکیمی دات۔
