بلوچستان  ءِ واستہ ھاسیں دیمروئی پیکیج  ءَ چہ صوبگ ءَ وشھالی کئیت، حاسیں مردم  ءُ  ورنا آناں حکومت ءِ  وام ءِ سکیم  ءِ بابت ءَ  سر ءُ سوج کنگ بہ بیت، صدر مملکت ڈاکٹر عارف علوی ءِ گورنر گس کوئٹہ ءَ بریفنگ ءِ ساھت ءَ ھیال  آنی درشانی

اسلام آباد۔15نومبر  (اے پی پی):صدر مملکت ڈاکٹر عارف علوی  ءَ گوشت کہ حکومت بلوچستان ءِ دیمروئی  ءِ واستہ گامگیج کنگ ءَ انت۔  بلوچستان ءِ واستہ ھاسیں دیمروئی پیکیج ءَ چہ صوبگ ءَ وشھالی کئیت۔ ھاسیں مردم ءُ بلوچستان ءِ ورنا آناں حکومت ءِ وام ءِ سکیم  ءِ باروا سروکی پجاری کنگ بہ بیت، دو شمبے ءَ ایوان ءِ صدر  ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشان آئی  ءَ  گورنر گس کوئٹہ ءَ ھاسیں مردم آنی گہبود ءِ ھوالگ ءَ گامگیج آنی سر ءَ بریفنگ  ءِ ساھت ءَ کت۔ دیوان ءَ گورنر بلوچستان سید  ظہور آغا، وزیر اعلیٰ میر عبدالقدوس بزنجو ءُ ایندگر کارندہ آں شرکت کت۔ صدر مملکت ءَ گوشت کہ ھاسیں مردم آناں  چاگرد ءِ سیت ءُ  نپ والا ایں شہری جوڑ کنگ المی انت۔  ھاسیں مردم آناں بلدکار جوڑ کنگ ءِ واستہ ووکیشنل ٹریننگ سینٹر ءِ  کار رپک ءَ را شاھیگان کنگ لوٹ ایت۔  ھاسیں مردم  چاگرد ءَ چہ ارزشتی ایں بھر انت   ایشاناں بلدکار جوڑ کنگ ضلورت انت۔  ڈاکٹر  عارف علوی ءَ گوشت کہ بلوچستان ءِ دیمروئی  ءَ چہ سرجمیں ملک ءَ وشھالی  کئیت، دیمروئی پیکیج ءَ چہ صوبگ ءِ    پدمنتگی ءَ را دیمروئی دیگ ءَ کمک رسیت، بلوچستان ءِ دیمروئی ءِ واستہ  ھاسیں  دیمروئی پیکیج ءَ چہ صوبگ ءَ وشھالی کئیت۔  آئی ءَ گوشت کہ بلوچستان ءِ ورنا حکومت ءِ نیمگ ءَ چہ  کاروباری  وام  ءِ سکیم ءَ چہ سیت چست  کناں۔ صدر ءِ مملکت ءَ پنت ءُ شون کت کہ  ھاسیں مردم  ءُ بلوچستان ءِ ورنا آناں حکومت ءِ وام ءِ سکیم ءِ بابت ءَ سروکی پجاری کنگ  بہ بیت۔