کوئٹہ۔15نومبر (اے پی پی):صدر مملکت ڈاکٹر عارف علوی ءَ گوشت کہ وانگ ءُ زانگ ءَ ابید راج دیمروئی کت نہ کنت، نوکیں ٹیکنالوجی ءِ وسیلگ ءَ جوانیں زانشت ءِ دیمروئی وھد ءِ ارزشتی ایں ضلورت انت۔ اے ھیالانی درشانی آئی ءَ دو شمبے ءَ ادا دارالفلاح ءَ برجم بوھوکیں مراگش ءَ گوں گشتانک دیان ءَ کت۔ اے موہ ءِ سر ءَ زالبول ءِ اول بیگم ثمینہ علوی، چیف سیکرٹری بلوچستان مطہر نیاز رانا ءُ ادارگ ءِ فاونڈر ممبر ءُ پشمندگ اے موہ ءِ سر ءَ ساڑی اتنت۔ صدر ءِ مملکت ءَ 1926 ءَ جوڑ بوھوکیں اے ادارگ ءِ زانشی ازمت آناں توسیپ ءُ ستا پیش کنان ءَ گوشت کہ برصغیر پاک ءُ ہند ءَ زانشتی ازمت آناں توسیپ ءُ ستا پیش کنان ءَ گوشت کہ برصغیر پاک ءُ ہند ءَ زانشتی ادارگ آنی برجائی ءُ دیمروئی ءِ واستہ سر سید احمد خان ءَ ھوار مسلمانیں زانتکار آنی کرد بے درور انت ایشرا جاڑی دارگ ءِ واستہ حکومت ءِ گوما سیر لاپیں مردم آناں گہبودی ادارگ آنی کمک ءِ رد ءَ کرد پیلو کنگی انت۔ آئی ءَ گوشت کہ پرائیویٹ سیکٹر ءِ گہبودی ادارگ آںی دیمروئی وانگ ءُ زانگ ءِ پڑ ءِ واستہ حکومت ءِ گوما کمک ءِ واستہ تیار انت ءُ لستیں صوبگ آنی تہ ءَ جندی ادارگ آنی کمک ءِ واستہ ون لائن بجٹ ءِ سسا کامیات بوتگ۔ پرائیوٹ سیکٹر ءَ را زمہ واری دیگ ءَ چہ گہتریں زانشتی آسر در جنگ بوت کنت۔ صدر ءِ مملکت ڈاکر عارف علوی ءِ دارالفلاح کوئٹہ ءِ زانشتی ازمت آناں ساڑات ءُ وتی ھمک رنگیں کمک کنگ ءِ پد ءَ دل یکیمی کنائینت۔ آئی ءَ گوشت کہ دارالفلاح ءَ ھوار اے رنگیں گہبودی ادارگ آنی کمک ءُ سروکی کنگ بیت۔
