اسلام آباد۔15نومبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ آمید گس ءِ سر ءَ اُرش کنگ جج آنی سر ءَ بھتام بندگ، ویڈیو جوڑ کنگ ن لیگ ءِ تاریخ بوتگ، میڈیا ءَ ایڈیٹوریل چیک بوھگ سک باز ضلوری انت۔ چیف جسٹس ءِ سوموٹونوٹس ءَ را وش کناں، مزن وزیر عمران خان ءَ ھمبراھیں گل آنی باسک آں گوں گند ءُ نند ءِ ساھت ءَ جست آنی پسو کتگ، توامیں ھمراھیں گل آں مزن وزیر عمران خان ءُ پاکستان تحریک انصاف ءِ سر ءَ دل یکیمی ءِ درشان کتگ، پارلیمنٹ ءِ یکجائی دیوان چار شمبے ءَ جار جتگ۔ اے ھیالانی درشانی آئی ءَ دو مشبے ءَ ادا میڈیا ءَ گوں تران ءِ ساھت ءَ کت۔ اے موہ ءِ سر ءَ وزیر ءِ تہی کار شیخ رشید احمد ءُ مزن وزیر ءِ ھاسیں کمکار شہباز گل ھم ساڑی ات۔ چوہدری فواد حسین ءَ گلگت بلتستان ءِ پیسریگیں چیف جسٹس رانا شیمیم ءِ بھتام ءِ ھوالگ ءَ تران کنان ءَ گوشت کہ چینکاس نہ وشیں گپ ات کہ چیف جسٹس آف پاکستان منی کرا اتکگ، ما چاہ ورگ ءَ بوتگ آں، اناگہ ءَچیف جسٹس ءَ را ھیال اتکگ کہ آءی ءَ فون چست کتگ ءُ پلاناں جج ءَ را فون کتگ۔ بنجاھی وزیر اھوالکاری ءَ گوشت کہ بد بھتی ءَ اچ جج ءِ نام ءَ اھوالتاک ءَ اینکاسیں ٹوھیں ھیڈ لائن ءِ جتگ ءُ گیر زمہ واری ءِ درشان کتگ، اھوالتاک ءَ اے چیک کنگ جوانیں گپ ءِ نہ ات آئی ءِ نام ءَ جج گرگ ءَ انت آ جج بینچ ءَ ھوار نہ انت۔ آئی ءَ گوشت کہ میڈیا ءَ ایڈیٹوریل چیک بوھگ باز ضلوری انت، اے رنگیں ھال ٹوھیں ھالتاک ءَ ابید ایڈیٹوریل ءَ لگ ات ءُ چپئت نہ کنت۔ بنجاھی وزیر اھولکاری ءَ چیف جسٹس اسلام آباد ہائیکورٹ ء، سوموٹو ءَ را وش اکت کنان ءَ گوشت کہ ن لیگ ءِ شاہد خاقان عباسی ءُ خواجہ آصف ءَ سوموٹو نوٹس گرگ ءَ چہ پد پریس کانفرنس کت ءُ پدا آمید گس ءِ اسکینڈل جوڑ کنگ ءِ کوشست کتگ۔ اسلام آباد ہائی کورٹ ءِ اے دوئیں شرپ مند آناں ھم سوموٹو نوٹس ءِ وسیلگ ءَ گوانک جنگ لوٹ ایت۔ وھد ءِ جج صاحب آں نوٹس زرتگ گڈا آوانی کار نہ بوتگ گڈا آ واں پریس کانفرنس بکت انت۔ آئی ءَ گوشت کہ اے پیسلہ بوتگ کہ پارلیمنٹ ءِ یکجائی دیوان چار شمبے ءِ روچ ءَ دو بج ءَ گوانک جتگ۔ الیکٹورل ریفامرز ءِ بل دیوان ءَ پیش کنگ بنت، توامیں اتحادی حکومت ءِ گوما ھمگام ءَ اوشتاتگ انت۔
