اسلام آباد۔ 15 نومبر (اے پی پی) پاکستان اٹ ہالینڈ نا زرکاری ٹی برجامالی سال انا اولیکو سہ ماہی ٹی سالانہ بنداو آ 159.22 درسد ودکی مسنے۔ اسٹیٹ بینک و زرکاری بورڈ انا کنڈآن دا بابت دوئی حساب وکتاب نا رداٹ برجامالی سال انا اولیکو سہ ماہی ٹی پاکستان اٹ ہالینڈ نا براہ راست زرکاری نا کچ 60.6 ملین ڈالر ریکارڈ کننگانے ہرا تدوک آ مالی سال انا ہندا مد انا مقابلہ ٹی 159.22درسد زیات ءُ، تدوک آ مالی سال انا اولیکو سہ ماہی ٹی ہالینڈ پاکستان اٹ 23.3 ملین ڈالر نا براہ راست درملکی زرکاری کریسس۔ حساب وکتاب نا رداٹ برجامالی سال اٹی پاکستان اٹ ہالینڈ نا پورٹ فولیو زرکاری نا کچ 4 لکھ ڈالر ریکارڈ کننگا ہرا تدوک آ مالی سال انا ہند امد اٹی 1.7 ملین ڈالرئسر۔
