اسلام آباد۔14نومبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ شکر ءِ نیاد آنی تہ ءَ پنچ دھ کلدار ناں، 43 کلدار کمی بوتگ، بلے مجال انت کہ میڈیا ءِ سر ءَ اے ھال شنگ بہ بیت، راستیں گپ ایش انت کہ مئے میڈیا بیست ءُ چار کلاک آنی ساھت ءَ ایوک ءَ پندل ءُ دروگیں گپ آنی شنگ ءُ تالان کنگ ءَ پیسر انت، یک شمبے ءِ روچ ءَ وتی یک ٹویٹے ءِ تہ ءَ آئی ءَ گوشت کہ نیگیٹیو میڈیا ءِ دروگیں نیوز آنی گوما رابطہ ملک ءِ واستہ سک باز ھتر ناک انت ھمے واستہ نوکیں کانود المی انت۔ آئی ءَ گوشت کہ چیل ءُ شش ارب جرمانی شوگر ملز ءِ دروگیں کمیشن ءَ کتگ ءُ شوگر ملز “حکم امتناعی” ءِ واستہ نشتگ ءُ ودار ءَ انت، نوں آمید گس آں گوں دزبندی انت کہ ایشانی کیس آنی سر ءَ زوت پیسلہ بکن انت۔
