پشاور۔14نومبر (اے پی پی): بنجاھی وزیر برائے سائنس ءُ ٹیکنالوجی شبلی فراز ءَ گوشت کہ بنجاھی ءُ صوبائی تک ءَ انفارمیشن ٹیکنالوجی ءِ شوبگ ءَ باز دلگشی دیگ ءَ انت ءُ ایشی ءِ واستہ سائنس ءُ ٹیکنالوجی ءِ شوبگت ءَ یک سرجمیں ایکوسسٹم ءِ جوڑ کنگ بوتگ، پاکستان ءِ دیمروئی آئی ٹی ءَ گوں بندوک انت بلے گوستگیں وھد ءَ اے شوبگ ءَ را مزنیں کساس ءَ ڈلگچار کنگ بوتگ۔ اے ھیالانی درشانی آئی ءَ خیبر پختونخوا حکومت ءِ چیر دستی ءَ بست ءُ بند کتگیں دو روچی ڈیجیٹل یوتھ سمٹ ءِ تر ءُ تاب ءِ موہ ءَ کت۔ اے موہ ءِ سر ءَ خیبر پختونخوا ءِ وزیر برائے سائنس ءُ انفارمیشن ٹیکنالوجی محمد عاطف خان ھم ساڑی ات۔
