اسلام آباد۔13نومبر (اے پی پی): بنجاھی وزیر تہی کار شیخ رشید احمد ءَ گوشت کہ استیں وھد ءِ لوٹ آنی رد ءَ پولیس ءَ را ھیل کاری دیاں ءُ نوکیں زمانگ ءِ آسراتی آناں پجاری کنگ بیت، پولیس ءَ را نوکیں زانت ءُ زانشت ءِ گوما ھمگام کنگ ضلوری انت، گوزوکیں ماہ ءَ یک ہزار نوکیں پولیس کارندہ بھرتی کنگ بیت، پولیس ءِ مورال ءَ را برز ءُ بلند بہ بیت ایشی ءِ واستہ اپسرگ آناں وتی ورناآنی گوما فری بہ بنت، ٹی ایل پی ءِ گوما بوھوکیں منوگری ءِ سرجمیں ھال لستیں روچ ءَ چہ دیم ءَ سہرا کنگ بیت۔ اے ھیالانی درشانی آئی ءَ بنجاھی تہی کارانی وزیر شیخ رشید احمد ءَ شمبے ءِ روچ ءَ ادا فاطمہ جناح پارک ءَ اسلام آباد ٹریفک پولیس ءِ فیملی گالا ءَ بطور ءِ ھاسیں مہمان ءِ بستار ءَ شریک بوھگ ءِ ساھت ءَ کت۔
