اسلام آباد۔13نومبر (اے پی پی):امریکی بحریہ ءِ جہاز یو ایس ایس پرل ہاربر ءَ کراچی دکہ ءِ تر ءُ تاب کت۔ جہاز ءِ آیگ ءَ چہ امریکہ سفارتخانہ ءُ پاک بحریہ ءِ کارندہ آں جہاز ءَ را وش اتک کت۔ ڈائریکٹوریٹ جنرل پبلک ریلیشنز (پاکستان نیوی) ءِ نیمگ ءَ شمبے ءِ روچ ءَ جاڑی بوتگیں پریس ریلیز ءِ رد ءَ پاکستان ءُ امریکی بحریہ ءِ ایمنی ءِ کوشست آنی تہ ءَ شریکدار انت ءُ جوانیں زرئی روگ ءُ آیگ ءُ تجارت دل یکیمی جوڑ کنگ ءِ واستہ کوشست ایگ انت۔ امریکی جہاز ءِ تر ءُ تاب ہاربر ءُ سی فیز ءِ سر ءَ بوتگ انت۔ ہاربر فیز ءَ کزبی کار ءُ دو نیمگی یکوئی آںی سر ءَ ھیال ریچی کنگ بوت۔ وھدیکہ سی فیز ءَ سی مین شپ ءُ جتا جتائیں جنگی ایکسرسائز ھوار بوتگ انت۔ امریکہ بحریہ ءِ جہاز ءِ کراچی ءِ تر ءُ تاب ءُ یکجائی زرئی ایکسرسائز دمگی ایمنی ءِ واستہ پاک بحریہ ءِ جزم ءِ رد ءَ انت۔ استیں تر ءُ تاب دوئیں زرئی ارد آنی نیام ءَ وت مہ وتی کمک آناں گیش دیمروئ رس ایت۔
